“Dabya Ni Karde” Song Details:
| Label: | Nav Haryanvi |
| Singer(s): | Ndee Kundu, Bintu Pabra |
| Lyricist(s): | Kp Kundu, Bintu Pabra |
| Music Director(s): | Bamboo Beats |
| Genre(s): | Pop |
| Music Label: | © Nupur Haryanvi (Nav Haryanvi) |
पढ़े भी हां कढ़े भी हां करया ना गुमान कदे
बड़े रै बडेरया आगै पाटी ना जुबान कदे
प्यार छोटा गेल्या बिना गिड्डी आले नोटा गेल्या
बणी कोन्या लिया कदे किसे का एहसान कदे
गेड़ा मार पाबड़ा किनाला नखरो
भूल ज्यागी तेरा अम्बाला नखरो
काला नखरो दिल एक परसेंट भी नि
खुद नै ना काम कहन्दे खुद नै लीजेंड भी नि
बोल काम करै माहरे असले पतास्या आले
यार सदा बाहर कोन्या मिंडक चौमास्या आले
डोले रै गण्डास्या आले थॉट कोनी मन में
बालक किसाना के हाँ खोट कोनी मन में
हरियाणवी हाँ दब्या कोनी करदे
आणा जाणा हानि और लाभ का
गेल्या मेरे रहे जाओ दादे खेड़े गी
रहो सिर पै रै हाथ गैबी साहब का
हो माँ बैठी चूल्हे पै रै रोंदी देखी है
छोटी बेबे भूखी मनै सोंदी देखी है
लागे पैंताले धोखा देगे मेरे साले
कच्ची कड़ियाँ की छात मनै चोंदी देखी है
हौसले जुलाणी आले जाट बरगे
दबदे ना छोरे नीले 60 बरगे
एक बारी सुणै बंदा होज्या अमली
बोल मेरे सुल्फे की लाट बरगे
संस्कारा आले खेत मनै जोते नखरो
मारे खतरा की नदियां में गोते नखरो
पाड़ कै जो ल्याया था रै दिल्ली के किवाड़
उस दादा महाराज के हाँ पोते नखरो
पीसे देकै गाण्या पै कमेंट नि कराये कदे
चालो या ना चालो दोष लक पै नि लाये कदे
बिना गाडी करे रोडवेज में सफर
पर नए नए बालका के पीसे कोनी खाये कदे
टेग कलाकारी आले लागे नखरो
नयी नयी थीम लेकै आगे नखरो
अंबरा में थिंक सीधे राम गैल्या लिंक
देख के.पी बिंटू मेहनता तै छागे नखरो
12वी है पास छोरे आर्मी की त्यारी आले
खेता के है किंग कोन्या जॉब सरकारी आले
बाबे की दया तै पूरी ओके है रिपोर्ट
शोशेबाजी कोनी करी रुतबे स्टारी आले
आंदी जांदी गोरियां तै दिए ना गुलाब कदे
नशा कामियाबी आला पींदे नि शराब कदे
दाब कदे दई कोन्या बण कै करीबी मनै
बाबू गेल्या खेती करी देखी है गरीबी मनै
घुल्या हूँ हालात गेल्या काली काली राता गेल्या
खेल्या हूँ कबड्डी कोन्या खेल्या जज्बाता गेल्या
लड़ कै मुसीबता तै जीते है मैदान
लिख्या नि भविष्य कच्ची स्याही की दवाता गेल्या
शौंक भी है करे पूरे खुद की कमाई गेल
आंकड़ा यो 36 आला बणग्या पढाई गेल
आशिक़ी तै दूर दूर मिलदे नि नाते
करया नि फ्रॉड कदे किसे माँ की जाई गेल
जगह जगह यारी मनै लाई ना कदे
पीठ पीछै करी रै बुराई ना कदे
देख कै नै चादर पसारे पैर सै
करूँ बदमाशी मेरे मन में ना आयी कदे.
